Nanawagan si Parañaque 2nd District Rep. Brian Yamsuan nga himuon nga regular ro inspeksyon ag maintenance it mga infrastructure project it gobyerno agud masiguro ro seguridad ag kalidad kara.
Sa House Bill 9780, ginapanukaea nga magpatigayon ro Department of Public Works and Highways (DPWH) it inspeksyon kada 5 hasta 10 ka dag-on matapos makompleto ro proyekto.
Suno kay Yamsuan, importante ro regular nga inspeksyon bangud mahimo maapektuhan ro katibay it mga proyekto bangud sa mabudlay nga tyempo, sobra nga karga kaagg iba pa nga rason. Ginapanukaea man nga obligaron ro tag-ana ukon legal nga nagagamit it lugar nga tugutan ro gobyerno sa pag-inspeksyon, maintenance, pagkumpuni ukon rehabilitation.
Ro magapugong ukon indi makatarunganon nga magpaindi sa access hay mahimo pagmulta it hasta sa P50,000.
uyo it panukaea nga maprotektahan ro bilyun-bilyong pisong pondo it gobyerno ag masiguro nga magamit sa mas maeawig nga tyempo ro mga proyekto.
