Rematch ni Usyk kay Joshua igatigayon sa Agosto

Nakataeana sa Agosto 20 ro pagdepensa sa titueo ni World heavyweight boxing champion Oleksandr Usyk kontra kay Anthony Joshua it Britanya.

Igapatigayon ro pagdepensa it Ukrainian boxer sa Saudi Arabia.

Ginpiyerde  ni Usyk ro dating WBA, IBF ag WBO champion nga si Joshua ku nagtaliwan nga Setyembre 2021 pamaagi sa  unanimous decision.

Igataya man sigon ni Usyk ro anang IBF, WBA, WBO ag IBO world titles sa rematch kay Joshua nga igatigayon sa Jeddah, Saudi Arabia.

Samtang,bumalik man sa andang nasyon ro 35-anyos nga si Usyk para makigsukoe para sa anang nasyong Ukraine  nga padayon nga ginasakop it Russia .