Padayun ro hog repopulation program sa pilang lugar sa Luzon, kaibahan eon ro Pangasinan matapos ro grabeng epekto it African Swine Fever (ASF) ko nagtaliwan nga mga dinag-on.
Suno sa Samahang Industriya ng Agrikultura (SINAG), nakabulig ro repopulation efforts sa pagnaba it presyo it karneng baboy sa mga baealigyaan.
Base sa datos it Department of Agriculture (DA), nagnaba ro average retail price it baboy makaron nga Pebrero 2026 kumpara ko nagtaliwan nga dag-on, kun sa siin nag-abot pa sa P400 kada kilo ro presyo ko Abril 2025.
Suno kay Engr. Rosendo So, chairman it SINAG, uman nga nakaangkon it kumpiyansa ro mga hog raisers nga mag-invest sa produksyon bangud sa repopulation.
Dugang pa kara nga nakabulig ro pagnaba it farmgate prices ag mas hugut nga monitoring kontra sa overpricing.
Samtang, nagapananawagan ro National Federation of Hog Farmers nga ibalik sa mas mataas nga lebel ro pork tariffs agud nga maprotektahan ro lokal nga industriya kontra sa imported nga karne.
Sa kabilugan, nakikitang positibo ro epekto it repopulation efforts sa Pangasinan, bangud nga mag-eowas sa mas mataas nga supply para sa mga hog raisers, nagtuga man raya it mas masarangan sa boesa nga presyo it karneng baboy para sa mga konsumer.
