Kalibo, Aklan- Ginpahayag ni Bombo International Correspondent sa Paris, France nga si Maryden Araneta nga uwa pa it medalya ro nasyon bangud kaeabanan sa sports it mga atleta hay una pa sa qualifications, preliminaries, ag semi-finals ag maabo pa nga mga atleta nga uwa pa nakasabak sa andang mga hampang.
Mabaskog man ro pag-aeaom nana nga si Joanie Delgaco nga kun makadaog sa anang hampang hay makasueod eun raya sa finals ag si Carlos Yulo hay for finals eun man ag kinahang-ean man nana ipakigsukoe ro fault, floor exercise ag all around.
Bantayan man sigon si Aira Villegas bangud sa round 16 nga hampang ag kabaskugon magbayo. Dugang ni Araneta kun sa finals eun hay automatic for medal eun.
Napas-eawan man ro atleta it nasyon sa fencing ag gymnastics. Kampante man imaw nga mabahoe ro tyansa ni Carlos Yulo, EJ Obiena, weightlifting ag mga boksingero it nasyon.
Sa makaron hay sold out eun ro ticket ag kinahang-ean pa nga magbantay antes makabakae.
