BALITANG Espesyal — Sangka diner sa Ocean City, Maryland ro nagakita it ekstrang kwarta bangud nga gina-obra nanda nga sabon ro sebo nga naghalin sa gina-eaha nanda nga bacon.
Ko 2022, ginapag-isipan eon ni Sam Delauter nga isarado ro anang restaurant nga Sunrise Diner bangud sa nagataas nga presyo it mga baeak-eon.
Haeos owa eon it nagabalik sa anang kapital bangud nga ro tanan nga mga ingredients nga ginagamit sa andang menu hay nagmahae eon ro presyo.
Apang , sang adlaw samtang ginapilak nana ro sebo halin sa gin-eahaan it bacon hay gulpi nana nga natandaan ro istorya angot sa anang lola sa tuhod nga si Hazel Delauter.
Ko tiempo nga malisod ro pagpangabuhi sa sa U.S. ukon The Great Depression, ro anang lola Hazel eon mismo ro naga-obra it sabon halin sa bacon grease.
Ginpangayo ni Sam sa anang lolo ro recipe it sabon ag gintun-an kon paalin nana nga magamit ro bacon grease it anang diner para maging sabon.
Matapos ro pilang trial and error, naka-obra si Sam it sabong pampaligos ag gintawag nana raya nga “Bumble Soap”.
Sa makaron, nagakita si Sam it $10,000 kada dag-on halin sa Bumble Soap kun sa siin nakabulig ro anang ginakita agud nga magapabilin nga bukas ro anang diner.
