Kalibo Aklan——–Ginduea ni Provincial Health Officer 1 Dr. Cornelio Cuatchon Jr. ro pagkabaeaka it publiko sa posibilidad nga maapektuhan ro pagpaguwa it resulta it ginpadaea nga specimen sample para sa Reverse Transcription–Polymerase Chain Reaction (RT-PCR) test.
Suno kay Dr. Cuatchon nga ro medical/surgical ward eamang it Western Visayas Medical Center (WVMC) sa Mandurriao District ro temporaryong ginpasarado matapos nga magpositibo sa COVID-19 ro sangka 13- anyos nga binatilyo nga tumandok it Badiangan , Iloilo nga naka-confine sa nasambit nga ospital .
Ginasugid nga ro pasyente hay nahueog sa puno it mangga ag ginpaidaeum sa operasyon .
Apang gin-eagnat raya ag nagpakita it sintomas it COVID- 19 rason nga ginpaidaeum sa COVID 19 testing ag nagpositibo ro anang resulta .
Naging epektibo ro lockdown ko Hulyo 10.
Padayun sigon nga naga-operate ro laboratoryo it nasambit nga ospital rason nga nakapaguwa pa ko domingo it resulta , kun sa siin, makabig nga record breaking ro 91 nga bag-ong kaso it COVID-19 sa sueod eamang it sang adlaw nga sa mayad nga swerte hay owa it nailistang naghalin sa Aklan.
Ginapatihan nga bangud sa backlog rason nga nagtaas ro nasambit nga numero.
Gindugang pa ni Dr. Cuatchon nga 39 pa ro naka-pending nga resulta nga ginpadaea ko Hunyo 30 halin sa probinsiya .
Raya hay ginaeakipan it 6 nga suspected cases, 16 man ro returning Overseas Filipino Workers, 3 ro unknown exposure ag 11 ro Locally Stranded Individuals (LSIs) nga presenteng nakapaidaeum sa facility ag home quarantine .
Sa ap-at nga suspected cases , 4 ro halin sa banwa it Malay, 3 ro LSI ag 1 nga health worker.
