Naipasueod eon it Department of Social Welface and Development (DSWD) ro benepisyo it mga miyembro it Pantawid Pamilyang Pilipino Program (4Ps) nga kakabalik eamang sa nasambit nga programa.
Bangud kara, pwede eon nga mabuoe it mga reinstalled members ro retroactive payment ukon benefits sa andang tagsa ka mga account.
Ginpahayag ni 4Ps National Program Manager ag Director Gemma Gabuya nga ro mabaton nga retroactive payments hay ro kabiliugan kantidad para sa 10-month education grants nga uwa nanda nabaton ko 2023.
Samtang, ro delayed health grants ag rice subsidies it mga reinstated beneficiaries hay nauna eon nga naitao kanda hasta ko June 2024.
Angot kara, nagaabot sa 650,000 4Ps household ro makabaton it andang 10-month delayed benefits.
Ro mga panibag-ong batch it mga reinstated 4Ps beneficiaries hay magabaton it mga grants sa maabot nga August 17 nga ginakaeakipan it haeos 120,000 households.
