KALIBO, Aklan—Ginlunsar it Agricultural Services Division it Kalibo ro Rice Crop Manager sa mga mangunguma sa Kalibo ko Biyernes nga adlaw, Hulyo 19, 2019.
Suno kay Municipal Agriculturist Uriel Las Piñas it Local Government Unit (LGU)-Kalibo, ro RCM hay sangka mobile application nga ginagamit it mga agricultural technicians agod magtao it suhestyon ag rekomendasyon sa mga mangunguma sa kaeanasan.
Ginagamit kara ro mga resulta it research agod mabuligan ro mga mangunguma sa may irrigated ukon rained low lands.
Ro nasambit nga cellphone app hay naga gamit man it Information and Communications Technology sa pagtao it professional extension ag advisory services.
Makabig suno kana nga guide raya it mga mangunguma kon pila ro andang magastos sa pagtanom it paeay bangud man sa mga impormasyon nga andang ginbutang.
Suno pa kay Las Piñas, mabuhay eon raya nga ginagamit sa nasyon bangud man sa kredibilidad it pag-istudyo sa nasambitang app.
Ginlunsar ro aktibidad pinaagi sa Season Long Farmer’s Field School on Growth and Yield Performance it Inbred Rice nga ginpatigayon sa Brgy. Hall it Nalook.
