KALIBO, Aklan — Napamatud-an eon makaron nga anti-farmer ro Rice Tarrification Law.
Suno kay dating Magdalo Party-list Representative Gary Alejano nga ro nasambit nga layi ro magapatay sa rice farming industry sa nasyon kasunod it padayun nga pagbagsak it presyo it farmgate it paeay.
Oras eon suno kana nga suportahan ro mga mangunguma agud nga magtaas ro produksyon ag indi eon masyadong magsalig sa rice importation.
Bukon pa suno kana it haum ro mga farmers sa ginpatuman nga layi.
Nagaduda man si Alejano nga may mga traders gihapon nga nagapanipueos kara bangud nga maskin nga buhos ro imported rice hay nagapabilin nga mahae ro presyo sa merkado.
Busog sigon sa Rice Tarrification Law ro mga negosyante ag smugglers.
Dapat suno kana nga tutukan ro agrikultura para sa pag-angkon it food security sa nasyon.
