Ginpakigbahin it OPM singer nga si Rico Blanco nga bukas gihapon imaw sa ideya it pag-asawa ag pagsueod sa bag-ong relasyon, basta nga tamang tawo eon ro anang makilaea.
Ginpahayag ni Rico nga ko una hay gin-eaum nana nga magagueang imaw nga naga-isaeahanon, apang raya hay nagbag-o matapos ro pilang naging relasyon.
Aminado imaw nga sa makaron hay single imaw, apang owa nana ginasarado ro posibilidad nga uman nga maghigugma.
Ginpamilit nana nga engkaso nga magpakasae imaw, kinahangean raya hay tamang tawo ag bukon it bangud sa pressure ukon obligasyon, eabi eon sa anang edad makaron.
Dugang pa ni Rico, naeubtan it anang pamilya ro anang sitwasyon ag owa imaw ginapilit nga magpakasae.
Madumduman nga ulihing naging karelasyon it singer ro aktres nga si Maris Racal, nga nagresulta sa pagbueag ko Hulyo 2024.
Sa parehong interview, ginpakigbahin man nana ro mga natun-an sa mga nagtaliwan nga relasyon nga dapat nga itau ro bilog nga kaugalingon sa pagpalangga agud nga owa it paghinoesoe maskin pa nga mabudlay nga uman nga mag-umpisa pagkatapos it heartbreak.
