KALIBO, Aklan — Naninahan ro sangka rider matapos nga bumunggo ro anang ginamaneho nga motorsiklo sa naka-park nga closed van truck sa kahabaon it national highway nga sakop it Brgy. Tigayon, Kalibo, gabi-i it Martes, Marso 24.
Nag-angkon it nina sa anang ueo ro 39-anyos nga rider nga residente it banwa it Libacao nga presenteng nagapamayad sa sangka pribadong ospital sa banwa it Kalibo.
Samtang, ro 37-anyos nga driver it truck hay residente it Purok 1 Brgy. Tigayon, Kalibo nga gin-imbitahan sa Kalibo Municipal Police Station.
Sa imbestigasyon it kapulisan, samtang naka-park ro truck sa kilid it karsada hay gulpi eamang nga bumunggo sa anang likod ro biktima sakay it anang Honda Beat nga kulay itom.
Posibleng makaangkon it amicable settlement ro magtimbang nga parte sa nasambit nga aksidente.
