Rider, bumunggo sa nakaparadang tricycle sa Brgy. Bagacay Ibajay

Kalibo Aklan ——Padayun nga naka-confine sa Ibajay District Hospital ro sangka rider matapos nga bumunggo sa nakaparadang tricycle sa kilid it daean sa bahin it Brgy. Bagacay, Ibajay.

Nag-angkon it lastro sa ueo ro biktimang nakilaea kay Darwin Villar, 33-anyos, residente it Brgy. Poblacion sa nasambitang banwa.

Base sa report, una sigon sa idaeom it makahieilong nga ilimnon ro biktima kat matabo ro aksidente.

Maghalin sigon ro biktima sa nasambitang lugar ag nagapauli eon kunta kat gulpi eamang nana nga ginbungguan ro nakaparadang tricycle sa kilid it karsada.

Nasayuran nga may kadasigon ro pagpadaeagan it biktima rason para madueaan imaw it kontrol sa ginamanehong motorsiklo.