-- ADVERTISEMENT --
KALIBO, Aklan — Patay ro sangka rider kat bumunggo sa puno ro ginamanehong motorsiklo sa Brgy. New Buswang, Kalibo, bandang alas 2:35 aga-aga it Lunes, Agosto 19, 2024.
Base sa report, samtang ginamaneho it 32 anyos nga biktima ro anang motorsiklo halin sa Bayside sa nasambit nga lugar ag paagto kunta sa Bakhawan Eco park kat gulpi raya nga nawad-an it kontrol sa motorsiklo hasta nga eumampas sa pihak nga linya it karsada ag bumunggo sa sangka puno.
-- ADVERTISEMENT --
Sa kabaskog it pagkabunggo hay inapok ro biktima halin sa anang ginasakyan nga motorsiklo nga nagresulta sa pag-angkon it grabeng lastro sa ueo ag iba pang parte it eawas.
Rumesponde ro mga tawuhan it MDRRMO Kalibo Rescue ag gindaea ro biktima sa ospital apang dead on arrival eon raya.
