-- ADVERTISEMENT --
KALIBO, Aklan — Patay ro sangka motorcycle rider matapos nga bumunggo sa sa sangka wing van truck sa national highway nga sakop it Brgy. Mantiguib, Makato, Martes it gabi-i.
Patay eon kat maka-abot sa Aklan Provincial Hospital si Rollen Tosio, 27, owa it asawa, sangka empleyado ag residente it Brgy. Cabatanga, Makato bangud sa naagum nga lastro sa ueo ag iba pang parte it eawas.
Sa kustodiya eon man it pulisya ro driver it truck nga si Timoteo Vergara III, 24, ag residente it Brgy. Roxas Avenue, Kalibo ag nagapangatubang sa kasong reckless imprudence resulting to homicide.
Base sa report, samtang nagapa-uli sa Makato ro biktima, inagaw sigon kara ro linya it truck rason nga natabu ro aksidente.
