KALIBO, Aklan—Nagapadayun pa sa gihapon ro road clearing operation sa banwa it Kalibo, Aklan.
Suno kay Vic Basya, Focal Person it Task Force, hugot nga ginapatuman it andang taeatapan ro pagbawae sa illegal parking ag mga bagay nga sagabal sa karsadahon.
Raya hay maskin nga natapos eon ro validation it Department of Interior and Local Government (DILG) may kaangtanan sa Memorandum Circular No. 121-2019 kon sa siin, ginapahawanan ni Pangueong Rodrigo Duterte ro tanan nga karsadahon sa obstructions.
Apang, nalisdan suno kana ro mga otoridad sa pagpa-implementar it mga ordinansa it banwa bangud nga maabo gihapon ro uwa nagasunod.
Dugang pa kara, ginahueat eamang it mga pasaway nga drivers nga owa it masip-eatang bantay ag uman nga magabayolar sa ginapatuman nga kasuguan.
