KALIBO, Aklan— Mas pang ginapabaskog it provincial highway patrol group sa probinsiya it aklan ro road safety operations ag traffic code of the Philippines.
Suno kay P/staff sgt. Hecler Villanueva nga raya hay kaparte it andang ginaduso nga oplan disiplinadong driver.
Sa makaron hay amat-amat eon man suno kana nga naeubtan it mga motorista ro traffic rules and regulations rason nga na-minimize eon ro mga naga-eabag sa laye it trapiko.
Ro mga motorsiklo suno kana nga owa it nagakaigo nga dokumento hay andang gina-impound ag gina-imbestigahan agud nga matumod kon sin-o ro matuod nga nagapanag-iya it saeakyan.
Tuyo kara nga malikawan ro mas pang pag-eapnaag it motornapping sa aklan.
Gindugang pa ni P/staff Sgt. Villanueva nga target man nanda makaron ro mga nagapatigayon it obstruction ag illegal parking, mga saeakyan nga may depektibong iwag ag mga accessories, owa it seatbelt, owa it OR-CR ag mga plate number.
Kamana man ro mga tricycle nga owa nagapabinit ukon naga-agi sa outer right lane kon naga-agi sa mga national highway nga makabig nga takaw-aksidente.
Nasayuran nga makaron ro HPG-aklan hay may hepe eon sa pagkatawo ni P/capt. Nathaniel Florendo.
