Posibleng magnaba ro presyo it langis sa masunod nga domingo matapos ro masobra sa sang buean nga sunod-sunod nga pagtaas tuga it tensyon sa Middle East, kasunod it daywang domingo nga untat-eukpanay it Estados Unidos ag Iran.
Suno sa oil industry source, nagnaba ro MOPS (Mean of Platts Singapore) prices ag premiums bangud sa ceasefire agreement.
Base sa unang tatlong adlaw it trading, ginaeauman ro rollback nga ₱2.50 hasta ₱3.40 kada litro sa Diesel ag masobra sa ₱1.00 kada litro sa gasolina
Sa pihak kara, pwede pang magbag-o ro nasambit nga mga presyo depende sa trading hasta sa Abril 10.
Ginpahayag man it source nga may sangkiri nga pagtaas it uman sa pilang projections.
Nagkasugot sa ceasefire ro US ag Iran bago ro deadline nga gintau ni US President Donald Trump agud nga uman nga buksan ro Strait of Hormuz, nga gina-agihan it mabahoe nga parte it suplay it langis sa kalibutan.
Bilang kabaylo, nagpasugot ro Iran nga punduhon ro mga pag-atake ag pasugtan ro eowas nga pag-agi it langis ag gas.
Samtang, ginpahayag ni Pangueong Ferdinand “Bongbong” Marcos Jr. nga pagapanipuslan it Pilipinas ro daywang domingo nga ceasefire agud nga masiguro ag madugangan ro suplay it petrolyo sa nasyon.
Nagaeaum man ro gobyerno nga mapaeawig pa ro ceasefire kun magapadayun ro maayos nga negosasyon.
