Nagpanawagan ro Department of Energy (DOE) para sa mas madasig nga rollout it electric vehicles sa nasyon para mabawasan ro pagsalig kara sa fossil fuels.
Tuyo it DOE hay maglunsar it 2,454,200 electric vehicles, kaibahan eon ro mga kotse, tricycles, ag motorsiklo, agud nga makabulig nga maeowas ro palibot ag makahimo it investments para sa bag-ong industriya sa 2028.
Suno sa DOE, ro panawagan para sa madasig nga pag-rollout sa electric vehicles hay bilang pagsuporta sa inisyatiba it Electric Vehicle Industry Development Act nga magtukod it maayos nga palibot para sa development it electric vehicles sa nasyon.
Para man sa Department of Transportation, gina-obra eon nanda ro roadmap para sa pagsaylo it transport sector sa electric vehicles.
Ginakonsidera man it DOTr ro pagtau it tax incentives ag soft loans sa mga transport operators agud nga mabuligan ro mga raya nga magsaylo sa electric vehicles.