Ginpaabot ni Kalibo mayor Juris Sucro sa ginpatigayon nga press conference nga bukon it eowas ro runway it Godofredo P. Ramos Airport sa Caticlan, Malay nga hugpaan it international flights.
Raya hay matapos nga mataeopangdan nga matag-od ro runway it nasambit nga paeoparan nga bukon it standard para sa international nga byahe.
Mag-eowas kara, mabahoe ro naging epekto sa ekonomiya bukon eamang it sa banwa it Kalibo kundi sa mga kaeapit banwa sa unang distrito it probinsya bangud sa naging tikang it pribadong kumpanya nga San Miguel Corporation nga sanda ro nagadumaea sa nasambit nga paeoparan.
Angot kara, suportado nana ro tikang it kaparehong opisyal nga nagapamaeabag nga mahugpaan it international flight ro Caticlan Aiport.
Samtang sa pihak nga parte, ginpasiguro ni Aklan second district congressman Teodorico Haresco nga himuon kara ro anang ikasarang makabulig ag mataw-an it solusyon ro nasambit nga problema.
Nasayuran nga sangkiri eon lang ro byahe it eroplano sa Kalibo International Aiport nga nagtuga it problema sa pangabuhian it mga negosyante ag iba pang indibidwal nga nagasalig it andang kita sa nasambit nga paeoparan.
