Indi magtambong sa sangka pagtililipon it mga lider halin sa Group of 20 (G20) sa Bali, Indonesia sa masunod ga dominggo si Russian President Vladimir Putin.
Si Russian Foreign Minister Sergei Lavrov ro magatambong suno kay Jodi Mahardi, tagapaghambae para sa Coordinating Minister of Maritime and Investment affairs.
Natueopangdan nga magatambong sa pagtililipon si Putin virtually.
Bilang host it G20, ginkontra it Indonesia ro paghugut halin sa mga Western countries ag Ukraine nga bawion ro imbitasyon kara kay Putin halin sa leaders summit ag sikwayon ro Russia halin sa grupo.
Sa sangka pakikipag-angot, ginpahayag ni Indonesian President Joko Widodo nga ro Russia hay mainit nga ginabaton sa summit.
Gin-imbitahan man it Indonesia si Ukrainian President Volodymyr Zelensky, nga nagpahayag nga indi imaw mag-atender kung maga-intra si Putin.
