KALIBO, AKLAN — Padayun nga naga pamayad sa Aklan Provincial Hospital ro sangka assistant pharmacists matapos nga masagi ro gina sakyang motorsiklo it sangka government vehicle nga gina panag iyahan it Iloilo Fire Department sa bahin it Brgy. Calimbajan, Makato, Aklan.
Suno sa Makato PNP, naghalin sigon ro saeakyan nga gina maneho ni FO1 Johnny Komoda, Jr, 24, residente it Bingawan, Iloilo sa bag-ong tapos nga pueong it Association of Southeast Asian Nations (ASEAN) sa isla it Boracay ag paagto konta sa Kalibo kat masagi ro biktimang si Ruby Ann Bon, 27 ag residente it Brgy. Jumarap, Banga.
Ro BFP-Iloilo hay kabahin it augmentation team sa ginpatigayun nga pueong.
Nakaangkon it bali sa abaga ag easgas sa magkaeain-eain nga parte it anang eawas ro biktima.
Pauli eon sigon raya kat mag-overtake ro saeakyan it BFP-Iloilo sa sambilog pang saeakyan dahilan nga nasagi ro anang motorsiklo.
