Patok makaron sa mga unga sa bilog nga nasyon ro lato-lato nga popular man sa TikTok.
Tuyo kara nga patamaon ro daywang bola ag makahimo it “clacking sound”.
Pila sa mga ginikanan ro pabor sa hampangan bangud nga nakakalikaw ro unga sa gadgets, apang may una nga disbentaha ro lato-lato bangud nga pwedeng masakitan ro nagagamit kara ag magatuga it bukoe ukon gaob.
Agud nga maprotektahan ro mga unga, ginpahayag ni Dr. Miko Amansec nga punduhon eon lang ro paghampang kara kon makaangkon it gaob ukon mabuk-ean.
Gindugang pa nga mapahagan-hagan it ice compression sa sueod it 15-20 minuto daywa hasta tatlong beses kada adlaw ro pag-gaob sa apekatadong parte it eawas.
Sa pihak, ginalaygay it mga eksperto nga puston ro alima it tuwalya agud nga maprotektahan kamana man, likawan ro pagtama it bola sa mata.
