KALIBO, Aklan —Dead on arrival nga gindaea sa Ciriaco Hospital sa isla it Boracay ro sangka sales agent matapos nga ginbaril sa sangka peryahan sa Sitio Bolabog, Brgy. Balabag, Boracay.
Siyam nga tama it gina alegar nga shotgun ro naangkon it biktmang si Daniel Lagayoda, 34-anyos, residente it Roxas City apang, presenteng nagadayon sa andang staff house sa Brgy. Manoc-Manoc sa isla.
Base sa inisyal nga imbestigasyon, nag agto eamang sa peryahan si Lagayoda agud nga magwarang apang, gulpi sigon imaw nga gin paeapitan ag gin paarakan it baril nga nag sentro tanan sa anang eawas.
Bangud kara, nag kinagamo ro mga tawo sa nasambitang lugar rason nga naka paeagyo ro suspek sa uwa natumod nga direksyon.
Samtang ro biktimang si Lagayoda hay gintinguhaan pa nga gindaea sa hospital apang, gindeklara man nga uwa eon it kabuhi it attending physician bangud sa fatal nga lastro nga naangkon tuga it pagbaril kana.
