KALIBO, AKLAN — Matapos ro haeos napueong adlaw nga pakipagsukoe kay kamatayan, binawian eon it hueam nga kinabuhi ro sambilog sa daywang pulis nga nasagasaan it naga ragasang van sa kasagsagan it gina patigayun nga imbestigasyon sa natabong aksidente ku Marso 6 nga ginkamatay it daywang katawo sa Calangcang national highway sa Makato, Aklan.
Binawian it hueam nga kinabuhi si PO2 Kynch Parce, 27, samtang gina obserbahan sa sangka ospital sa Iloilo matapos ro ginpatigayun nga major operation ku nagtaliwan nga adlaw.
Si PO2 Parce kaibahan si PO3 Rufino Donato nga puros nakataeana sa Makato police station hay insigidang gin padangat sa ospital bangud sa mga gin angkon nga nina sa magkaeain-eain nga parte it kaeawasan.
Gin padangat si Parce sa Iloilo Doctor’s Hospital ag umpisa kato hay naga pabilin sa kritikal nga kondisyon.
