Malipayon ag eubos ro pagpasaeamat ku konseho it Kalibo sa gindonar nga aircon bus nga ginhinyo halin sa Vallacar Transit.
Raya ro pagsaysay ni Sangguniang Bayan Member Matt Aaron Guzman.
Ro nasambitan nga bus hay angot sa Resolution Request nga gin-aprubahan ku February 2023.
Kaibahan sa nagbaton it bus sanday Mayor Juris Sucro, Vice Mayor Cynthia Dela Cruz ag ro iba pang SB members.
Ginsalarawan ni Guzman nga medyo parte it promotion ro bus bangud nga maabo ro stickers sa palibot kara parte sa kultura, turismo ag ibang napabugae it Kalibo kung siin nga may konsultasyon pa raya halin sa alkalde.
Raya hay gindonar bangud nga nakita ku transit nga worth it taw-an ro Kalibo.
Nagdonar eun man sigon it bus ro nasambitan nga transit sa tyempo paeang ni former Mayor William Lachica.
Kumpara sa una nanda nga gindonar mabahoe ro bag-ong aircon bus ag 56 pax ro kapasidad.
Plano sigon nga gamiton bilang tourist transportation, LGU representatives’ & guests’ service, tourism promotions, ag special transport requests ro kakadonar eamang nga bus.
Nagpaabot man it pagpasaeamat si Guzman sa mga opisyales ag trabahador ku Vallacar Transit.
Pagpabugae pa nana nga sa pagpanguna ni Mayor Sucro hay napahanabo ag umabot gid ro bus bago ro Ati-atihan Festival.
Raya hay tourism promotion para sa banwa eakip man ro plano nga promotional video it banwa sa mga ceres nga maagi.
