Nagpatigayon it inaugural session ro 19th sangguniang panlalawigan it Aklan kon siin mag-eowas sa tatlong ex officio members hay waeo gid sa napueong miyembro it SP ro mga newly elected officials.
Ro nagpabilin eamang sa pwesto sa ikatlo ag ulihing termino hay sanday board members Jay Tejada ag Nemesio Neron.
Sa naging diskurso ni Aklan vice governor Reynaldo Quimpo, uman nana nga ginkomitar ro anang kaugalingon sa mabahoe nga responsibilidad matapos nga ginsaligan it uman it pumueoyong Aklanon nga dumaeahan ro legislative branch.
Apisar suno kana nga uwa it oposisyon sa parehong first ag second district it probinsya nga nailihir bangud nga halin sanda tanan sa parehong lokal political party nga Tibyog Akean hay pagahimuon gihapon nanda ro andang obligasyon bangud sa kumpyansa nga ginta-o kanda it pumueoyo.
Ginpasiguro man kara ro bastante nga pagtrato sa tanan partikular sa mga ginaduso nga ordinansa, resolusyon ag iba pa.
