Eubus ro kalipay nga nabatyagan makaron ni Ms. Frissa Lou Laurente, 22 anyos it Brgy. Calangcang, Makato matapos nga napabahin ro anang pangaean sa mga nakapasar sa Certified Public Accountant Licensure Examination nga nagguwa ro resulta ko Mayo 30.
Suno kana, nagapabilin nga “overwhelmed” imaw sa blessings nga anang nabaton bangud nga naga-isaeahanon eamang raya nga nakapasar sa kabilugang 22 nga nagbuoe it nasambit nga eksaminasyon maghalin sa Aklan State University Banga Campus.
Angot kara, ginpakigbahin nana sa Bombo Radyo ro anang mga inagyan hasta nga naabot ro handom nga maging CPA.
Bukon it hangae sigon ro anang naagyan sa pag-eskwela bangud nga sa kasagsagan it pandemic era ro anang college days.
Apang, eubus imaw nga nagapasaeamat sa Ginoo, sa mga tawong nakapalibot kana eabi eon ro anang mga pamilya ag kaabyanan nga nakasuporta kana.
Ginhimo nana nga motibasyon ro pandemya bangud nga sanay imaw sa face to face classess ag gulpi eamang nga nagdistance learning
