-- ADVERTISEMENT --
KALIBO, Aklan—Kulong ro sangka eaeaki matapos nga madakpan it improvised shotgun ukon sumpak sa Brgy. Dalipdip, Altavas, Aklan.
Nakilaea ro suspek nga si Leonardo de Pedro, 41-anyos, owa it asawa ag residente it nasambit nga lugar.
Base sa report, nagtuga it alarma ag eskandalo sa anang mga kaeapitbaeay matapos nga magpaeupok it sang beses ro suspek gamit ro sumpak tuga it anang kahilungon.
-- ADVERTISEMENT --
Insigida sanda nga nagtawag sa andang barangay kapitan nga si Edilberto Domingo nga nagpahisayud man sa kapulisan.
Sa pagresponde hay nadakpan nanda sa akto ro suspek nga bitbit ro nasambit nga armas.
Ginpaidaeum eon kaina sa inquest proceedings ro suspek sa kasong pag-eabag sa RA 10591 ukon Illegal possession of firearms.
