KALIBO, Aklan—Patay ro sangka eaeaki matapos nga mabun-an sa anang waea nga porsyon it dughan bandang alas 7:05 kabi-i sa bahin it Brgy. Bulwang, Numancia.
Ginkilaea ro biktima kay Jerry Rebustis, 57-anyos samtang ro ginatumod nga suspek hay nakilaea kay Rocky Rivas, sa legal nga edad, parehong residente it nasambitang lugar.
Base sa imbestigasyon it pulisya, nagapanikangon sigon pauli ro biktima kat gulpi eamang imaw nga ginbuno it suspek nga owa it ano man nga rason gamit ro sangka ice pick.
Bangud kara, insigida nga gindaea sa Aklan Provincial Hospital ro biktima apang sa owa magbuhay hay binawian man it kabuhi samatng ro suspek mat-a hay madasig nga nagpaeagyo kasunod it insidente.
Sa makarun hay nagapadayun pa ro hot pursuit operation it mga otoridad kontra sa suspek.
