Sangka armas, ginsurender sa Brgy. Tag-osip, Buruanga

Kalibo Aklan ——Sangka armas ro boluntaryong ginsurender it sangka residente it Brgy. Tag-osip, Buruanga.

Napasaalima ko mga miyembro it 2^nd Aklan Police Mobile Force Company ro Improvised Homemade 5.56mm (Revolver Type) ag uwa it bala.

Ro pagsurender it armas hay sandig sa nagapadyaon nga tikang it pulisya sa pagpatigayon it information dissemination pinaagi it dayalogo, distribution it IEC materials angot sa programang OPLAN TKAL ukon Tokhang Kontra Armas Luthang.

Ro nasambit nga armas hay may kabaylo nga bugas sandig mat-a sa andang proyekto nga “Armas Islan Bugas” agud nga masuk-ean ro kriminalidad sa komunidad.

Ro armas hay ginturn-over sa Buruanga PNP para sa nagakaigong disposisyon.