Nagapati si Paul John Degracia Mirto nga ro mga social media hay sambilog sa mga paagi nga makapromote it negosyo.
Raya nga butang sigon ro nagtueod kana para nga magsuoed sa pagvlog.
Nakikita sigon nana nga sa makaraya nga platform mahimo nana maipromote ro anang tarpaulin business, travels, food ag personal contents.
Pag’aku ni Mirto nga bukon it madali maging content creator ag negosyante kun siin nga kinahang’ean nana magcapital ukon mag’invest para sa andang mga ginacontent, una man ro pagmanihar nana sa anang oras eabi eun ag imaw hay sangka ama.
Panindugan nana nga ro andang naubra hay sangka hobby ag for fun eamang ngani nga uwa nana alintana ro mga pilang bashers bangud nga raya hay normal nga reaction eamang sa mga viewers apang gina’apresyar nana ro anang mga followers nga nagatao it positibo nga reaksyon.
Dugang it businessman – vlogger nga ro anang mga ginapost hay gusto nana nga educational, para sa kasadyahan ag may makapromote it andang negsoyo ngani nga ana anay nga ginareview raya bago nga ipost.
Pahayag nana nga raya hay para sa Diyos, anang asawa ag ap’at nga mga unga.
Mensahe ni Mirto nga itugyan tanan nga planbo sa Ginoo, tanan sigon nga mga gustong himuon nga tikang ag desisyon hay ipasaDiyos anay
Masayuran nga si Mirto hay miyembro it maabong mga grupo sa Aklan pati man ro sa Vlogger’s Philippines.
Padumdom nana nga tanan ro mga ginapost hay may kaakibat man nga responsibilidad.
