Malipayon nga ginpakigbahin ni Atty. Jepol Pamatian ro anang rason kun haman nga ginpili nana nga magsueod it abogasya, raya hay bangud sa gusto nana nga makabulig sa mga tawo nga mga nagakinahangean.
Pagasaysay ni Atty. Pamatian nga antes magsueod sa law school imaw ra hay tapos it kurso nga Bachelor of Science in Accountancy ag nagatrabaho sa sa sangka bangko sa Kalibo ngani naging bentaha man kana raya agud nga maka-angkon it paunang kasayuran sa mga layi sa nasyon.
Apang, naging hangkat man sigon kana raya bangud nga masako imaw, kun may tyempo eamang sigon imaw bisan malip-ot hay kato imaw nakakabasa it andang mga leskyon.
Gintinguhaan sigon nana nga mag-adjust sa anang schedule nga trabaho sa adlaw ag tuon sa gabei.
Aminado man raya nga may mga subjects imaw nga nalisdan ngani nga ginsikapan nana raya nga tun-an.
Pagpalig-on man it abogado nga tanan hay mahimo magtuon it abogasya apang dapat hay haom sa mga pagsakripisyo ag pagpangabudlay.
Ginpaabot man ni Atty. Pamatian ro anang pasaeamat sa Ginoo ag sa tanan nga mga tawo nga nagpalig-on kana ag nagbulig nga maabot ro anang handum.
