KALIBO, Aklan–Nagtau it pilang tips ro sangka Feng Shui expert sa pagsug-aeaw sa bag-ong dag-on ukon year of the rabbit makaron nga 2023.
Suno kay Madam Elsa Macoy ro mga dapat nga obrahon agud nga maging bugana ag maswerte ro pagsueod it Year of the Water Rabbit hay ro pagsuksok it polka dots nga eambong ag mantel sa lamesa.
Kompletuhon ro 13 nga prutas nga bilog, mag-display it rabbit nga ibutang sa baeay ukon magpakabit it rabbit nga lucky charm sa pwertahan.
Magbutang it mga coins sa boesa ag kalimbangon sa pagsueod it 2023 kamana man nga maggamit it mga alkansiya sa paghimo it sangag sa sueod it baeay.
Punuon ro bueutangan it asin, bugas ag asukar.
Sa pihak nga parte, manami nga negosyo sa 2023 ro botika, beauty parlor ag restaurants.
Maabu suno kana nga magasueod nga kwarta ag investors sa nasyon.
Sa pihak nga parte, bangud nga ro rabbit hay takaw-aksidente , maabu nga vehicular accident ro matabu , sunog ag iba pang kalamidad.
Samtang, ginpahayag ni Madam Elsa nga nakadepende sa paghimakas it sangka tawo ro anang swerte.
Sa lovelife, dapat nga mag-move on eon sa ex-dyowa ag bantayan ro mga menor de edad nga mga inunga.
