KALIBO, Aklan–Nagapanawagan makaron it bulig ro sangka ginang para sa hospital bill it anang mister nga naga-abot sa P598,924.
Suno kay Jessebel L. Dela Vega, gin-confine ro anang asawa nga si Jessel R. Dela Vega, residente it Brgy. Jalas, New Washington ko Abril 19 sa Panay Health Care Multi-Purpose Cooperative Hosital matapos nga mag-eupok ro ugat sa anang ueo tuga it high blood.
Masyado sigon nga mabahoe ro nabilog nga dugo sa anang utak rason nga ginpaidaeom raya sa operasyon.
Sa makaron hay una eon sa maayos nga kahimtangan ro anang asawa apang ro ginaproblemahan nanda hay ro masyadong mabahoe nga hospital bill.
Ginpakamayad it pamilya Dela Vega nga magdangop sa Bombo Radyo Kalibo para magpanawagan sa mga tawo nga may mabinueawanon nga tagipusuon para makabulig kanda.
Ro sin-o man nga gustong magpaabot it bulig-pinansyal sa pamilya Dela Vega hay pwedeng makipag-angot sa numero nga 09151357109.
