KALIBO, Aklan — Sangka M26 fragmentation hand grenade ro nakit-an sa barangay Jawili, Tangalan.
Ginasugid nga nakita ro nasambitang fragmentation grenade maeapit sa Civil Aviation Authority of the Philippines (CAAP) Radar it daywa ka mga gwardiyang naga roving sa nasambitang lugar.
Suno kay SPO4 Vengie Repedro, bomb squad personnel it Explosive and Ordnance Division (EOD), may kapin sa 10 metros ro kaeayuon it hand grenade sa CAAP radar kat aksidenteng makit-an it daywa ka mga gwardiyang nagapatigayon it inspection.
Insigida nandang gin-impormahan ro andang superior nga eagi-eagi man nga nagtawag police assistance.
Sa makaron hay sa alima eon EOD it Aklan Police Provincial Office (APPO) ro narekober nga granada para sa nagakaigo nga disposisyon.
