Kalibo, Aklan-Uwa eon it plano ro pamilya nga pasakaan pa it kaso ro andang padre de pamilya kasunod it insidente it pagpang-eabo sa Brgy. Pang-itan sa banwa it Madalag.
Suno kay P/Chief Master Sgt. Rufino Donato, hepe it Madalag Municipal Police Station nga inde eon pagpasakaan it kaso it onga ro anang ama nga nag-eabo kana kon sa siin nagkasugot nga magdistansya eon lang raya agud nga malikawan nga matabo pa it uman ro insidente.
Ginpaathag ni P/Chief Master Sgt. Donato nga dati eon man nga may banggianay ro mag-ama kon sa siin nag-abot ro mga raya ko adlaw it Biyernes.
Halin sigon sa trabaho ro ama nga may daea nga sanduko kat nasub-eang kara ro anang onga.
Ginpueotan it bato it onga ro anang ama ag hana kunta nga eapgon apang gin-unahan imaw it pag-eabo it anang tatay nga nalastruhan sa tuo nga abaga.
Insigidang gindaea sa aklan provincial hospital ro biktima kon sa siin imaw sa makaron padayon nga ginabueong.
Samtang, posible eon nga makaguwa it taeatapan it pulisya ro suspek bangud sa inde eon raya pagpasakaan it kaso it anang pamilya.
