KALIBO, Aklan—Agud nga makaangkon it madaeum ag maeapnagon nga pagbag-o sa probinsiya, dapat nga bungkagon ro political dynasties .
Raya ro panawagan ni 2nd district congressional aspirant retired lt. Matias Wacan.
Aminado imaw nga maabu ro benepisyo nga maangkon it sangka botante kon maging loyalista sa sangka politiko, apang ginakabaeak-an nana ro mga tawo nga patas ag bukon it hilig sa politika nga mga pigado.
Ginsuhestiyon nana sa mga botante sa maabot nga eleksyon nga taw-an man it kahigayunan ro ibang kandidato nga makapanerbisyo.
May maeain sigon nga ginatuga ag bukon it patas kon pagalimitahan ro mga botante sa andang pagapili-an nga kandidato nga kaeabanan nga nagaresulta sa favoritism , kawad-an it check and balance , anomaliya ag iba pa.
Na-obserbahan sigon nana nga nakasanayan eon sa aklan ro dueueungan nga pagserbisyo it magpamilya ukon nagabueos-bueos eang sa posisyon ro magpamilya.
