KALIBO,Aklan — Nabugnutan it tunok sa dughan ro tag-iya it sangka ostrich farm sa banwa it Kalibo matapos nga napirmahan eon ro anang aplikasyon para sa zoning permit.
Ginatan-aw nga rason ni Ramon Dio nga insigidang napirmahan ro anang dokumento hay bangud sa anang pagreklamo sa citizen’s complaint hotline number nga 8888.
Umabot sigon imaw sa nasambit nga desisyon bangud sa pilang dag-on eon nga nakatengga ro anang dokumento sa Municipal Planning Office sa lokal nga gobyerno it Kalibo.
Gin-insister nana nga na-comply kara ro tanan nga ginapangayo nga requirements ag uwa it rason para idelay pa ro anang dokumento sa nasambit nga taeatapan.
Madumduman nga nagpatawag it press conference si Mr. Dio agud nga isapubliko ro anang reklamo sa nasambit nga taeatapan bangud sa dinag-on eon nga nakatengga ro anang dokumento nga eubus nga kinahang-ean sa adlaw adlaw nga operasyon it anang negosyo.
