KALIBO, Aklan—Naugdaw ro sangka panimaeay sa Brgy. Old Buswang, Kalibo matapos nga masunog bandang alas-5:30 it hapon.
Ro nasambit nga panimaeay hay ginapanag-iyahan ni Teresita Quindo, 67-anyos ag sangka vendor sa Kalibo public market.
Suno kana, posible nga nag-amak it papel sa paghalin it kaeayo ro anang mga kaibahan sa baeay rason nga uwa nanda nataeopangdan ro pag-apok it alipaeok rason nga nagmakot raya.
Ginpahayag dugang nga masaligan man ro anang mga abilin sa baeay apang ginkakibot kara ro balita nga nagakasunog eon ro panimaeay kara nga human sa light materials.
May kaangtanan kara, natigayon nga naabo ro andang mga napundar nga kagamitan kaparehas it appliances ag maabong iba.
Samtang, suno kay FO1 Eugene Bonite it Bureau of Fire Protection (BFP)-Kalibo, ginaboeobanta nga kapin sa P25,000 pesos ro danyos it nasambit nga insidente.
Base sa andang inisyal nga imbestigasyon, sa kusina naghalin ro kaeayo nga gintunaan it sunog nga nag-ugdaw sa bilog nga baeay nga may daywang ka pamilya nga naga-istar.
