Kalibo Aklan —–Magapangatubang it kasong pag-eabag sa Republic Act 11332 ro sangka utility helper it sangka delivery truck matapos nga mag-adto sa pampublikong lugar nga owa it suksok nga facemask.
Base sa report, personal nga nagreklamo sa taeatapan it pulisya si Dr. Luces matapos karang makita ro sangka utility helper nga nagpanaog sa sangka delivery truck nga nakilaea kay Juneric Laurio, 40-anyos ag tumandok it Sta. Cruz, Ivizan, Capiz nga owa it suksok nga facemask ag nagsueod sa Kalibo Public Market.
Paea-isipan pa kung paano nakasueod ro nasambitang persona sa tindahan nga owa it suksok nga facemask.
Matueopangdan nga hugut pa gihapon nga ginamandu ro pagsuksok it facemask it mga pumueoyo maskin nga sa idaeom eon it Extended General Community Quarantine (GCQ) ro bilog nga probisya it Aklan.
Sa idaeom it R.A. 11332 ukon Mandatory Reporting of Notifiable Diseases and Health Events of Public Health Concern Act, posibleng makulong it hasta an-um nga buean ukon multahan ro sangka indibidwal nga mag-eabag sa laye halin P20,000 hasta P50,000.
