Kalibo Aklan —–Presenteng nagahimas it maeamig nga rehas sa New Washington Municipal Police Station ro sangka wanted person matapos nga maaresto pasado alas 4:00 kahapon sa Sitio Moto, Brgy. Tambak, New Washington.
Ro akusado hay ginkilaea kay Dennis Longanilla, 33-anyos, sangka mangingisda, residente it nasambitang lugar.
Si Longanilla hay naaresto sa gintingub nga pwersa it New Washington PNP ag Aklan PPO Trackers team kasunod it ginpatigayun nga manhunt operation sa gahum it warrant of arrest sa kasong Violation of Section 2 ukon Sexual Assult it Republic Act 8353 nga may criminal case number 15414 nga ginpagguwa ni Hon. Bienvinido Barrios Jr., Presiding Judge, RTC, Kalibo, Aklan nga may petsang Hunyo 29, 2020.
Samtang, kapin sa 200,000 pesos nga pyansa ro gintaeana it korte para sa temporaryong kahilwayan it akusado.
