KALIBO, Aklan—Arestado ro sangka wanted person sa kasong attempted murder takna alas 4:00 ko adlaw it Huwebes, Hulyo 18 sa Sitio Kotkot, Brgy. Aranas, Balete.
Ro akusado hay ginkilaea kay Darwin Panganonong, 25-anyos, residente it nasambitang lugar.
Si Panganonong hay naaresto pinaagi sa gintingub nga pwersa it Balete PNP, Aklan Trackers Team ag CIDG-Aklan sa bisa it Warrant Of Arrest nga may criminal case number 15336 nga ginpagguwa ni Hon. Ronald H. Exmundo, Acting Presiding Judge of RTC Branch 7 nga may petsang June 2, 2020.
Kapin sa 200, 000 pesos ro gintaeana nga pyansa it korte para sa temporaryong kahilwayan it akusado.
Si Panganonong hay presenteng sa nakakulong sa Balete Police Station ag nakateana nga igaturn-over sa korteng natungdan.
