Kalibo Aklan———Magiging kakaiba ro selebrasyon it kapiestahan it Santo Niño de Ibajay Ati-ati 2021.
Suno kay Ibajay Mayor Jo-en Miraflores nga limitado anay ro mga aktibidadis makaron nga selebrasyon bilang pagpangaman sa coronavirus disease 2019 (COVID-19).
Maabu suno kana sanda sa ginduea nga mga aktibidad partikular ro masadyang sadsad ukon street dancing.
Bawae man anay ro pagwarang it mga magueang ag mga unga.
Owa man ginapasugtan ro pagbaligya ag pag-inom it makahieilong nga ieimnon sa pampubliko nga lugar.
Kamana man nga indi man masaksihan ro ginadumog nga baealigyaan sa bilog nga Poblacion.
Gindugang pa ni Mayor Miraflores nga sa masunod nga mga inadlaw hay posibleng makapaguwa pa sanda it bag-ong sueundanan.
Samtamng, pagataw-an sigon it prayoridad sa selebrasyon ro misa , procession ag public viewing kay Sto. Nino.
