KALIBO, AKLAN — Nauli sa bangungot ro masadya konta nga bakasyon it sangka Scottish national matapos rayang gin himuslan it sangka eaeaking hotel staff nga umalalay sa bakasyunista bangud sa sobrang kahilungon sa Brgy. Balabag sa isla it Boracay.
Suno kay Police Senior Inspector Jess Baylon, hepe it Boracay Tourist Assistance Center (BTAC) nga ro biktima hay 35 anyos, taga-Scotland, sangka flight attendant ag naga bakasyon eamang sa isla.
Personal sigon rayang dumulog sa pulisya nga nagresulta sa pagkaaresto sa suspek nga gin kilaeang si Lito Cerencio, 26-anyos, residente it Ibajay, Aklan ag nagatrabaho sa isla.
Gin pahayag it biktima nga matapos mag-bar hopping kaibahan ro sambilog pang amiga hay nahilung raya it husto.
Gin amigo sigon imaw it suspek nga nagtanyag kana it pag alalay hasta sa anang hotel room.
Bangud sa bag-onh salta sa lugar, ginbaton man it biktima ro gin offer it suspek.
Apang, kat makaabot sa anang kwarto, posibli sigon nga nabighani ro suspek sa kagwapa it babaye rason nga anang ginhimuslan.
Ro suspek hay gin pasakaan it kasong rape ag presenteng nakakulong sa makaron sa Bureau of Jail Management and Penology (BJMP).
