KALIBO, Aklan — Ginapahauman eon it Aklan Police Provincial Office (APPO) ro Kalibo Ati-Atihan Festival sa Enero 2026 agud nga masiguro ro kaeowasan it publiko.
Suno kay P/Capt. Aubrey Ayon, tagapaghambae it Aklan PPO nga nagpatigayon eon sanda it pueong ko nagtaliwan nga domingo agud nga maplantsa ro security plans eabi eon ro pagtaeana it mga task unit commander nga magabuyot sa daeagan it trapiko, venue, pedestrian screening area ag iba pang security coverage para sa sambilog sa pinakamabahoe nga festival sa bilog nga Western Visayas.
Kapareho ko nagtaliwan nga mga dinag-on, mag-eowas sa augmentation force it Police Regional Office 6, magabo-oe man it dugang nga igadeploy nga mga pulis halin sa mga banwa sa Aklan nga owa nagapatigayon it kaugalingon nga bersyon it Ati-Atihan festival.
Samtang, ginpasiguro man it APPO ro andang kahauman nga ipatuman ro mga polisiya nga igapaguwa it lokal nga gobyerno it Kalibo.
