KALIBO, Aklan—Magiging simple apang makahueugan ro selebrasyon it ika-453 nga foundation day it banwa it Kalibo sa maabot nga nobyembre 4 imbes nga Nobyembre 3.
Suno kay Carla Doromal, Exective Assistant to the Mayor nga bangud nga natiempo ro aktwal nga adlaw it selebrasyon sa Domingo, Nobyembre 3 hay gindesisyunan it lokal nga gobyerno it Kalibo nga magpatigayon it misa sa raya nga adlaw ag sa masunod nga adlaw it Lunes, Nobyembre 4 igapatigayon ro mga ginpahaum nga mga aktibidad .
Ginpadaehan sigon nanda it imbitasyon ro 16 nga kabarangayan sa Kalibo nga mag-attend it flag raising ceremony nga pagasundan it programa.
Pagapasidunggan kara ro top 10 business taxpayers sa Kalibo nga pagapangunahan it municipal treasurers office kamana man ro nagdaog sa Search for Best VAWC Desk 2024.
Makaangkon man sigon it lyres and drums competition halin sa nagkaeain-eain nga mga eskwelahan.
Sa pihak nga parte, eubus sigon nga ginapasaeamatan ni mayor juris sucro ro tanan nga mga kalibonhon matapos nga maging nominado ro kalibo bilang sambilog sa most safest municipality ag most livable.
Sa pihak nga parte, pirma eon lang ni Pangueong Ferdinand Marcos Jr., ro kueang agud nga eubusan nga maging laye ro Kalibo Foundation Day bill.
Raya hay matapos nga gin aprubahan eon it Kamara ag Senado ro House Bill No. 3970 ukon “An Act declaring November 3 of every year a special working holiday in the Municipality of Kalibo, Province of Aklan ukon mas kilaea bilang Kalibo Foundation Day nga ginpasa ko September 25, 2024.
