KALIBO, Aklan–Simple eamang ro pagselebrar it Paskwa it mga pumueoyo sa Hong Kong.
Ro mga Chinese hay nagapatigayun eamang it simpleng saeo-saeo sa mga restaurant kaibahan ro andang natungdan nga pamilya.
Suno kay Bombo International Correspondent Mary Lou Bautista-Borra nga tumaeagsahon ro mga Chinese nga nagaprepara it maabu nga pagkaon sa andang baeay kung Christmas Eve.
Ginakabig man kara nga masubo ro selebrasyon sa rehiyon kung igakumpara sa Pilipinas.
Owa man sigon nauso idtu ro pagtaeaw-an it regalo.
Sa pihak kara, ro mga Overseas Filipino Worker (OFW) sigon hay nagapatigayun it tagsa-tagsa nga Christmas party.
Masami sigon nga naga-adto sanda sa mga park ag magpatigayun it saeo-saeo para i-selebrar ro Paskwa.
Angot kara, maobserbahan sigon ro bongga nga dekorasyon it Christmas tree sa mga mall ag park umpisa sa unang dominggo it Disyembre.
