Nagpatigayon it hinun-anon ro Kalibo PNP, lokal nga gobyerno, Municipal Disaster Risk Reduction Management Office (MDRRMO) ag Bureau of Fire Protection ukon BFP angot sa preparasyon nga ginplastar it kada ahensya sa paaeabuton nga kapyestahan ni Sr. San Juan De Bautista sa Hunyo 24 it presenteng dag-on.
Suno kay PLt.Col. Ricky Bontogon, hepe it Kalibo PNP Station nga sa andang bahin hay may ginplastar sanda nga security plan sa tanan nga venue it aktibidad maghalin sa barangay Poblacion kon sa siin may kaean-an sa kalye nga maga-umpisa Hunyo 21 ag sa Brgy. Pook partikular sa baybayon nga may igapatigayon nga boat racing ag maabo pang aktibidad.
May sangkiring adjustment eon lang sigon sanda nga pagahimuon sa preparasyon ag kon kinahang-ean it augmentation hay magaayo sanda sa Aklan Police Provincial Office (APPO) para masiguro ro kaeowasan it tanan.
