Gin-aprubahan it Senado sa ikaywang pagbasa ro proposisyon nga magataeana it limang dag-on nga termino it mga opisyal it barangay ag Sangguniang Kabataan (SK).
Gin-author ni Senador Francis “Chiz” Escudero ro Senate Bill No. 2397, nga sa oras nga maging laye hay magapaiway sa nakataeanang Barangay ag SK Elections umpisa Nobyembre 2026 paagto sa Nobyembre 2028.
Limang senador ro nagboto kontra sa proposed bill kaibahan sanday Senate President Pro Tempore Vicente “Tito” Sotto III, Joel Villanueva, Risa Hontiveros, Bam Aquino ag Kiko Pangilinan. Ginpamilit ni Sotto nga ro uman nga pagpaiway sa eleksyon hay pwedeng maka-apekto sa kinamatarung it mga botante nga pumili it andang mga lokal nga lider.
Samtang, nagdugang ro Senado it probisyon nga pwedeng pugngan sa pagpungko sa holdover capacity ro mga incumbent barangay officials nga may administratibo, sibil ukon kriminal nga kaso, sandig sa mandu it korte ukon awtoridad nga may hurisdiksyon.
