Nagapatuman makaron it hugot nga seguridad ro Senado matapos makabaton it bombo threat kahapon.
Sa guwa it gate it Senado may mga naka-deploy nga mga pulis agud masiguro nga euwas ro lugar.
Nagapatuman man makaron it euwas nga tikang sa seguridad bago magsueod sa edipisyo kun siin gina-ekasamina ro kada saeakyan nga magasueod.
Ro dugang nga security measures hay ginapatuman makaron it Office of the Senate Sergeant and Arms (OSAA).
Suno kay Atty Renato Bantug, Senate Secretary, may una sigon nga nag-post it threat sa social media page it Senado kahapon it agahon.
Posibleng prankster sigon ro nag-post bangud kun siin-siin ro nasambit nga account.
Pahayag man ni Senate President Francis “Chiz” Escudero nga apisar bukon raya it ginakonsidera nga credible ag seryosong paeag, nagpatuman gihapon it ibayong pagdahan ro mataas ng kapueungan.
